O líder dos socialistas galegos mantén un encontro co presidente de Navantia en Madrid
O secretario xeral do PSdeG, Valentín González Formoso, constatou hoxe de primeira man o interese de Navantia por que a construción das 5 fragatas F-110 nos estaleiros de Ferrol repercutan na xeración de valor engadido na comarca. Formoso mantivo unha xuntanza co presidente de Navantia, Ricardo Domínguez, na que tamén participou o secretario de Organización do PSOE, Santos Cerdán.
O líder dos socialistas galegos desprazouse ata Madrid para recibir unha explicación polo miúdo da planificación e programación dos traballos previstos para a construción das naves, que darán emprego a en torno a 8.000 persoas nos próximos 12 anos.
Formoso trasladoulle ao responsable de Navantia a reclamación de que o contrato redunde na creación de valor engadido na comarca de Ferrol, e “que vaia máis alá de cortar chapa, senón que permita facer de Ferrol un polo de referencia das novas tecnoloxías aplicadas a un modelo de industria propio do Século XXI”.
Trasladou o máximo interese de que outras compañías tecnolóxicas con responsabilidades no programa repliquen o modelo Siemens de desenvolver en primeiro lugar os modelos dixitais dos prototipos obxectivo”.
Ademais, sinalou o interese do PSdeG de aproveitar o desenvolvemento do contrato das fragatas para facer realidade a construción dun novo dique para o estaleiro, que permitiría incrementar a eficiencia das instalacións, asegurando carga de traballo para as próximas décadas.
Lamenta a opacidade e nula vontade de xestión de Xunta e PP, que hoxe rexeitou unha proposta para pedirlle ao…
Sinala que lle corresponde ao Executivo autonómico poñer a súa parte durante os 18 a 24 meses que dura o…
Acusa á Xunta de seguir un criterio “unicamente economicista” e advirte que o ensino de calidade “é imposible sen medios…
O Ministro do PP recibía con antelación información privilexiada de actuacións xudiciais contra os socialistas O secretario de organización do…
Paloma Castro advirte que o goberno galego está a incumprir o acordo parlamentario para asumir a xestión das Unidades de…
Salienta a importancia desta modalidade produtiva para o mantemento da paisaxe e da poboación rural, e que sustenta a súa…