Formoso celebra o nomeamento de Miñones como ministro de Sanidade e de Besteiro como delegado do goberno

O líder do PSdeG celebra a “rehabilitación política” de Besteiro pola súa designación como delegado do Goberno en Galicia

Apunta que o nomeamento de Miñones como conselleiro de Sanidade é “un sinal de apoio rotundo do presidente do goberno ao PSdeG”

O secretario xeral do PSdeG, Valentín González Formoso, celebrou hoxe a designación de José Ramón Gómez Besteiro como delegado do Goberno en Galicia. O responsable socialista afirmou que “hoxe é un día moi especial no político e no persoal coa rehabilitación política dun compañeiro” como o ex secretario xeral do PSdeG.

A súa designación, dixo, anticipa unha “etapa moi dinámica na defensa dos intereses de Galicia e de conexión cos intereses do goberno de España e da delegación do Goberno”. Así o dixo en Madrid, logo de asistir á toma de posesión de José Miñones como ministro de Sanidade, un nomeamento que completa un “día de celebración para o PSdeG”.

Puxo de relevo a importancia de que un galego como Miñones asuma a carteira de Sanidade, que “é o tema que mais nos preocupa na sociedade galega”, e que ademais representa un “sinal de apoio rotundo do presidente do goberno ao PSdeG”, ao sinalar a un “compañeiro da Executiva” dos socialistas galegos