A portavoz de Xustiza do Grupo Socialista, Paloma Castro, reclamoulle hoxe á Xunta “unha política activa” con “maior dotación de recursos” para frear a escalada de delitos cometidos por menores de idade. Castro presentou unha proposición non de Lei en Comisión para reclamar o reforzo dos equipos técnicos nos xulgados de menores e a promoción de programas de intervención educativa e terapéutica coa mocidade infractora, que foi rexeitada polo PP.
Castro advertiu dun incremento dun 52 por cento deste tipo de delitos entre os anos 2018 e 2019, ata case 3.600 infraccións penais cometidas por menores de idade durante, de acordo coa memoria anual da Fiscalía. Subliñou que a delincuencia xuvenil “é un expoñente dun fracaso da sociedade”, e correspóndelle á Xunta de Galicia “dar as respostas que unha sociedade avanzada debe ofrecer ás persoas que comezan a participar na sociedade, pero o fan contravindo as leis”.
Reivindicou así “unha política activa, unha maior dotación de recursos e poñer o foco sinaladamente na prevención, as medidas sancionadoras educativas e a integración e reinserción social dos e das menores”. Apuntou á urxencia de “dotar de recursos suficientes para aplicar a mediación e outras medidas alternativas á xudicialización” e que permitan “unha xustiza restaurativa para afrontar as accións de delitos cometidas por menores”.
Paloma Castro explicou que actualmente hai 50 técnicos en toda Galicia para todos e todas as adolescentes infractores, o que fai “imposible que poidan levar a cabo de forma pormenorizada, singularizada e áxil ese volume de traballo, o que está a provocar unha conxestión do sistema en prexuízo dos dereitos dos e das menores e da efectividade da xustiza”.
O Grupo Socialista reclama polo tanto dotar aos xulgados de menores de equipos técnicos que permitan levar a cabo os programas de mediación. Tamén reclamou un organismo dependente da Consellería de Xustiza “que conte con persoal cualificado e con formación especializada na atención a menores, coa autonomía necesaria para o desenvolvemento das súas funcións na atención socioeducativa”.
Este organismo debera encargarse, explicou, de “desenvolver programas de seguimento e cumprimento das medidas de medio aberto, fundamentalmente para as medidas de liberdade vixiada, asistencia a centro de día, de prestación en beneficio da comunidade e de convivencia con outra persoa, familia ou grupo educativo”, así como programas de actuación individualizados.
O portavoz do Grupo Socialista empraza a Rueda a clarificar na próxima sesión de control “se segue a doutrina Ayuso…
O secretario xeral dos socialistas de Galicia, José Ramón Gómez Besteiro, esixiulle hoxe á dereita “que se comprometa de xeito…
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…