Urxe ao goberno galego unha mellora destes viarios de titularidade autonómica
A deputada socialista pola provincia da Coruña, Noa Díaz, vén de esixir á Xunta unha “mellora urxente” nas estradas autonómicas AC-406 e AC-453 en Val do Dubra. Fíxoo, hoxe, logo de visitar a zona xunto aos responsables socialistas no municipio e presentar unha batería de iniciativas neste senso.
“A AC-406 que comunica Santa Comba con Portomouro precisa, ao seu paso por Paramos, dunha obra que dote de maior seguridade ese núcleo de poboación, xa que carece de bairarrúas e os vehículos circulan a gran velocidade por unha estrada con varias curvas sen visibilidade e mesmo cunha parada de transporte escolar”, denunciou a voceira socialista.
Así, sinalou que, para rematar con esa inseguridade para a veciñanza, “parece oportuna a construción dunha senda peonil por unha das marxes do núcleo que facilite o tránsito dos peóns, unha actuación comprometida hai anos pola Xunta de Galicia da que nada se sabe”.
Por outra banda, Díaz censurou a situación da estrada AC-454 que une Portomouro con Roxos, “vía indispensable de comunicación” para a veciñanza dubresa, xa que “precisa dunha mellora integral dada a súa antigüidade e a elevada intensidade de tráfico pesado que soporta cada día”, polo que “sería precisa a adecuación do seu ancho e melloras de seguridade en varias das curvas segundo un proxecto elaborado no ano 2011”.
“Sabemos polos medios de comunicación que a Xunta vai realizar actuacións nalgunhas estradas, entre elas a A-453”, pero “descoñecemos se esas obras terán como referencia o proxecto de hai dez anos, cando está previsto realizalas e se contempla o ancheamento da estrada nalgún dos seus tramos”, concluíu a socialista, quen pediu unha solución urxente para as dúas estradas.
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…
Alerta de que o goberno galego deixa sen cubrir dúas das catro prazas, provocando esperas de quince días ou nenos…
Esíxelle á Xunta e Concello que “deixen de tirarse a pelota uns aos outros e resolvan un problema serio para…
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…