A portavoz de Igualdade do Grupo Socialista, María Pierres, vén de presentar no Parlamento unha serie de iniciativas parlamentarias pola exclusión dos alcaldes socialistas de Manzaneda e Trives dunha xuntanza coa secretaria de Igualdade da Xunta na que si estaban representantes do PP daqueles concellos xunto cos alcaldes de A Veiga e Larouco.
A dita xuntanza, que se celebrou o pasado 17 de xaneiro na sede da Xunta, tiña como obxectivo tratar os recursos de Igualdade, conciliación e violencia de xénero nestas áreas xeográficas. Pierres critica que se tivera vetado aos representantes socialistas cando precisamente o único Centro de Información á Muller –CIM- da zona atópase en Trives e mancomunado co concello de Manzaneda.
Sinala que precisamente por este motivo tanto a alcaldesa de Trives, Patricia Domínguez, como o alcalde de Manzaneda, Amable Fernández, contan cun “mellor e máis próximo coñecemento das necesidades e recursos cos que contan as mulleres desta área xeográfica”. Sen embargo, lamenta que este motivo non fora obstáculo para pechar a xuntanza a membros dun único partido en exclusiva.
Pierres lamenta que por este motivo “non parece primar o verdadeiro interese de ter o mellor coñecemento da realidade desta parte do territorio galego, nin parece que sexa o mellor modo de facer uso dos recursos públicos nin o método máis participativo e inclusivo que se agarda da Administración autonómica”.
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…
O portavoz do Grupo Socialista empraza a Rueda a clarificar na próxima sesión de control “se segue a doutrina Ayuso…
O secretario xeral dos socialistas de Galicia, José Ramón Gómez Besteiro, esixiulle hoxe á dereita “que se comprometa de xeito…
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…