O portavoz de Sanidade do Grupo Socialista, Julio Torrado, sinalou hoxe que “consentimento reforzado debera ter Feijóo antes de falar” do peche do paridoiro de Verín, porque “cada vez que fala é un desastre”. Así o dixo no debate dunha pregunta oral en Comisión sobre o anuncio de peche e posterior reapertura do servizo do Hospital comarcal, obrigando a “xustificar o inxustificable”.
O responsable socialista criticou que o presidente da Xunta recorra agora a unha “fuxida para adiante derivada do seu nerviosismo”, e que “pon en dúbida ao sistema sanitario dicindo que non son quen de garantir a seguridade”. Criticou que o xerente do Sergas confunda agora “consentimento reforzado co consentimento informado”, e lembrou que “cando alguén ten que reforzar é porque é débil ou inseguro”.
Criticou o “nivel de soberbia” amosado polo goberno galego que “non son capaces de asumir que tiveron que rectificar, equivocáronse e cometeron un erro” e esixiulles que “garantan que prestan un dereito plenamente cuberto e garantido” pola administración pública.
Conciencia subastable
Torrado fixo un relato da “fuxida para adiante” do presidente da Xunta dende o momento en que sinalou que a súa “conciencia” non lle permitía tomar decisións “en contra dos médicos” ata que cambiou aquela decisión demostrando, dixo, que “ten unha conciencia subastable”. Torrado preguntou en ton sarcástico “canto vale a cambiar a conciencia do presidente da Xunta? Un puñado de votos?”.
Polo camiño, lembrou, apelaron á pericia dos profesionais, ao número de partos, á responsabilidade das mulleres coa “barrabasada” de que darían a luz “baixo a súa responsabilidade”, despois “utilizaron aos profesionais como parapeto enfrontándoos entre si”, demostrando en todo caso que “lles daba igual danar ao sistema”.
Apuntou que finalmente tiveron que rectificar a súa decisión porque “non calcularon ben a contestación social”, o que lles obrigou a pregar velas cando tiñan “planificado pechar tamén o servizo en Valdeorras, Monforte, Burela, Cee, Ribeira e O Salnés”.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…