O secretario xeral do PSdeG, Gonzalo Caballero, visitou hoxe Fitur, onde puxo en valor a importancia do turismo para Galicia e chamou a desenvolvelo para que sexa “un sector de futuro” que contribúa a “revitalizar” a economía galega.
Dende a feira, o líder dos socialistas galegos requiriu a Feijóo que aclare o “uso partidista” da conta oficial de Turismo de Galicia.
“Utilizan as institucións públicas para a confrontación co goberno de España”, denunciou Gonzalo Caballero, despois de que dende a conta de Twitter de Turismo de Galicia se redifundisen as mentiras de Miguel Tellado sobre o goberno presidido por Pedro Sánchez. “É gravísimo”, concluíu.
Financiamento
Por outra parte, Gonzalo Caballero esixiulle hoxe explicacións a Feijóo por “negarse a solucionar un problema que xerou Montoro en 2017” no relativo á financiación das comunidades e nos pagos do IVE.
De feito, o líder dos socialistas galegos recordou que Feijóo “non dixo nada” naquel momento e fixo fincapé en que “preferiu obstaculizar a situación” que o goberno socialista acadara a través dos PGE.
“A ministra de Facenda explicoulle que o plazo legal para resolvelo era de dous anos, pero Feijóo preferiu a estratexia de boicot, poñendo a Xunta a disposición da estratexia do PP”, remarcou Gonzalo Caballero.
En paralelo, o máximo dirixente do PSdeG recordou que tampouco Feijóo “dicía nada” cando Rajoy deixou sen investir 2.300 millóns de euros que estaban orzamentados para Galicia.
“SOMOS A MELLOR GARANTÍA”
Neste escenario, Gonzalo Caballero destacou que “os socialistas somos a mellor garantía para o financiamento autonómico” e asegurou que “traballaremos por acadar un sistema potente para toda España” que dea resposta ás necesidades das distintas comunidades.
“Nós apostamos polas autonomías, a diferencia do que supón a alianza do PP cunha ultradereita que quere eliminar o estado das autonomías”, contrastou o candidato socialista á Presidencia da Xunta.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…