O secretario xeral destaca que o PSdeG “está preparado” para dar a Galicia “un proxecto de compromiso coa sanidade pública e cunha reconstrución que non deixe a ninguén na cuneta”
Santiago, 18 de maio de 2020. O secretario xeral do PSdeG, Gonzalo Caballero, sinalou hoxe que “Feijóo está escribindo as súas últimas páxinas á fronte da Xunta” despois de “impoñer” un calendario electoral que “os galegos e as galegas non compartimos”, en plena emerxencia sanitaria.
En todo caso, trala decisión de Feijóo de chamar ás urnas o 12 de xullo, Gonzalo Caballero sinalou que o PSdeG está “preparado” para dar a Galicia “un proxecto de compromiso coa sanidade pública, co fortalecemento do estado do benestar e cunha política de reconstrución ao servizo da cidadanía”.
“Para que ninguén quede na cuneta”, apostilou o líder dos socialistas galegos, consciente da necesidade de “rachar con once anos de recortes e privatizacións” nos servizos públicos e de dotar ao noso país dun “proxecto de futuro”. “Hai que desaloxar á dereita do goberno galego e poñer en marcha unha nova política”, remarcou.
Así é que o máximo dirixente do PSdeG asegurou que “o noso compromiso” de cara ao vindeiro 12 de xullo basearase na importancia do estado de benestar, nomeadamente no que atinxe á sanidade pública, e na posta en marcha dunha nova política económica. “Esa será a nosa tarefa”, concluíu.
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…
Paloma Castro sinala que os escolares “merecen un entorno axeitado” e un espazo cuberto no que practicar deporte e que…