O secretario xeral sinala que Feijóo “empeza a toparse cunha Galicia na que o PSdeG marca a axenda política e na que ten que asumir a limpeza nas institucións”
Santiago, 23 de xullo de 2019. O secretario xeral do PSdeG, Gonzalo Caballero, destacou hoxe que “a caída da Valedora do Pobo é a vitoria da presión pola limpeza e a rexeneración fronte á ilegalidade e o enchufismo que Feijóo amparou durante un ano a pesares das sentenzas” do Tribunal Superior de Xustiza de Galicia e do Supremo.
En concreto, a xustiza ditaminou o ano pasado, e ratificouse niso o mes de marzo, que Milagros Otero cometeu desviación de poder para contratar a unha sobriña de Fraga para un alto cargo na institución do Valedor do Pobo.
Durante todo este tempo, como sinalou Gonzalo Caballero, Feijóo estivo “amparando” a Milagros Otero para seguir á fronte dun organismo que ten que ser “sinónimo de limpeza pública e transparencia”. Por tanto, concluíu, “Feijóo e o PP foron cómplices” da situación, causada por “unha decisión arbitraria, irregular e ilegal”.
“Cando acudín ao Parlamento para acreditarme coma deputado, indiqueille a Feijóo que tiña que mover ficha e cesar á Valedora”, recordou o líder dos socialistas galegos, consciente de que a institución estaba a verse “empanada pola sombra da corrupción”.
“Feijóo empeza a toparse cunha Galicia na que o PSdeG o vai controlar e lle vai marcar a axenda política, e na que ten que asumir as pautas de limpeza a rexeneración que reclama a sociedade galega”, recalcou Gonzalo Caballero, toda vez que as sentenzas sobre a contratación irregular dunha sobriña de Fraga situaban á Valedora do Pobo nunha situación “insostible”.
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…
O portavoz do Grupo Socialista empraza a Rueda a clarificar na próxima sesión de control “se segue a doutrina Ayuso…
O secretario xeral dos socialistas de Galicia, José Ramón Gómez Besteiro, esixiulle hoxe á dereita “que se comprometa de xeito…
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…