O secretario xeral do PSdeG-PSOE, Valentín González Formoso, anunciou unha Executiva do PSdeG “moi autoesixente, co obxectivo claro de ser propositiva”. O líder dos socialistas galegos presidiu hoxe en Santiago de Compostela a primeira reunión da Comisión Executiva Nacional Galega -CENG- logo do 14 Congreso dos socialistas galegos.
González Formoso puxo como obxectivo prioritario establecer un fluxo de traballo “á vangarda das propostas e solucións” de utilidade para o país, que comezou coa primeira toma de contacto para “ordenar prioridades” e comezar a traballar dende o PSdeG-PSOE.
O responsable socialista sinalou que o partido concluíu o Congreso “máis forte do que estaba” logo dun encontro que “reforzou a mensaxe municipalista” co obxectivo nidio a 17 meses vista, “onde temos que afrontar o exame que máis nos gusta aos socialistas, que é o da cidadanía”.
Sinalou que a nova Executiva comeza a súa andaina coa vista posta nas próximas eleccións municipais, para as que “temos que poñer toda a maquinaria e o talento do partido a punto para conformar proxectos nos 313 concellos de Galicia”. Uns proxectos, dixo, “que conecten cos destinatarios, que é a cidadanía galega”.
Logo do Congreso autonómico, sinalou, compre afrontar os 4 congresos provinciais, que se desenvolverán “na clave de sumar” configurando un “marco ordenado de congresos enriquecedores para o socialismo galego”.
Portavoz parlamentario
En resposta a preguntas dos xornalistas, o secretario xeral do PSdeG-PSOE anticipou que será a próxima Executiva, programada para as primeiras semanas do próximo ano, a que designe ao novo portavoz parlamentario.
González Formoso explicou que “hai distintas posibilidades” para asumir a responsabilidade, que será decidido “unha vez establecidas as prioridades de funcionamento da CENG e vendo cal é o perfil da persoa que teña que ser portavoz do socialismo galego no Parlamento”.
O secretario xeral, José Ramón Gómez Besteiro, compartiu con militantes e simpatizantes a primeira Foliada…
O secretario xeral do PSdeG participou no acto da Real Academia Galega polo Día das…
Asegurou, despois de que hoxe se reunise a comisión de seguimento do acordo de viabilidade…
O europarlamentario galego mantén un encontro coa Plataforma de veciños e veciñas contrarios ao proxecto…
Aitor Bouza acusa ao PP de facer “enxeñería fiscal” co orzamento que precisan os investigadores…
Julio Torrado sostén que ao titular da carteira se lle está poñendo “cara de Florentino…