A deputada socialista advirte que nos orzamentos da Xunta para 2022 non aparece ningunha partida para este barrio, cando aínda quedan por investir preto de 8,5 millóns de euros
A viceportavoz do Grupo Socialista, Paloma Castro, esixiulle á Xunta que deixe de “tomarlle o pelo” á veciñanza do barrio pontevedrés de Monteporreiro e que retome un proxecto de reurbanización “que leva 8 anos metido nun caixón”. Paloma Castro lembrou hoxe na Comisión de Obras Públicas do Parlamento que esta iniciativa se remonta a 2009, pero que leva paralizada polo Partido Popular dende 2013. Neste contexto, a deputada do PSdeG considerou que o portavoz do grupo municipal do PP en Pontevedra “ten a cara de cemento armado” cando “segue a acudir ao barrio e denunciar publicamente as carencias existentes”, como fixo hai uns días, nun “claro engano á veciñanza”
Así, Paloma Castro explicou que o proxecto, inicialmente proxectado polo goberno do socialista Emilio Pérez Touriño, foi asumido polo goberno de Feijóo, quen comprometeu un investimento de 10 millóns de euros para un proxecto “ambicioso e prioritario”. Con todo, en realidade só se executou a primeira fase, á que se destinaron 1,5 millóns de euros. “Os outros 8,5 millóns de euros”, alertou Paloma Castro, “están agochados e unicamente se utilizan para seguir sendo unha promesa electoral de Feijoo”.
Nesta liña, alertou de que “a día de hoxe non hai nada” e que nin sequera o orzamento da Xunta para 2022 contempla a execución da 2ª fase deste proxecto, “outro engano a tódalas veciñas e veciños deste Barrio e por extensión a todas e todos os pontevedreses”. En consecuencia, estamos ante “outra promesa electoral do PP incumprida, que afecta a un barrio de familias obreiras, que en todo este tempo xa foron golpeadas por dúas crises e ás que a o Goberno de Feijóo ten abandonadas”.
A parlamentaria do PSdeG incidiu, precisamente, en que agora son de novo as asociacións veciñais “as que están a reclamar unhas melloras neste barrio que son necesarias e urxentes”. Por iso, Paloma Castro reclamoulle á Xunta que retome o proxecto e invista os 8,5 millóns de euros nas 3 fases que restan do proxecto.
Explicou que aínda queda por realizar a 2ª fase, de actuacións na zona entre as vivendas sociais da rúa Alemaña, a 3ª fase, que contempla a intervención na zona libre entre os bloques de vivendas sociais, e a 4ª fase, de actuación na praza central e os espazos libres entre a rúa Bélxica, Reino Unido, Luxemburgo e Alemaña.
Esa iniciativa serviría para mellorar unha zona que, a día de hoxe, se caracteriza maioritariamente por beirarrúas levantadas cun parcheado continuo, unha zona de terra e pedras no medio do barrio, farolas de obra que practicamente non iluminan ou a estrada e o aparcadoiro cheo de fochancas e fendas.
Son condicións que, segundo Paloma Castro, “non se merecen” os veciños e veciñas dun barrio no que comeza a súa vida independente moita xente nova, onde hai moitos nenos e nenas que xogan nun parque e nuns xardíns que son de terra ou no que os maiores ou as persoas con discapacidade física teñen un gran perigo cando van polas beirarrúas.
Sinala que lle corresponde ao Executivo autonómico poñer a súa parte durante os 18 a 24 meses que dura o…
Acusa á Xunta de seguir un criterio “unicamente economicista” e advirte que o ensino de calidade “é imposible sen medios…
O Ministro do PP recibía con antelación información privilexiada de actuacións xudiciais contra os socialistas O secretario de organización do…
Paloma Castro advirte que o goberno galego está a incumprir o acordo parlamentario para asumir a xestión das Unidades de…
Salienta a importancia desta modalidade produtiva para o mantemento da paisaxe e da poboación rural, e que sustenta a súa…
Reclama un Plan de axudas estables que permita a pervivencia do sector, que sufriu unha redución da produción de máis…