O secretario xeral destaca que o partido “está preparado para dar o relevo a Feijóo” despois de constatar o “esgotamento” do seu ciclo no Debate sobre o Estado da Autonomía
Santiago, 10 de outubro de 2018. O secretario xeral do PSdeG, Gonzalo Caballero, anunciou este mércores a aprobación por parte da Comisión Executiva Nacional Galega do calendario de primarias para as eleccións municipais e autonómicas. En concreto, a través deste sistema, poderán elixirse os candidatos ás alcaldías daqueles municipios con máis de 20.000 habitantes e o candidato á Presidencia da Xunta.
Como detallou o líder dos socialistas galegos ante os xornalistas, en base ás datas fixadas “en contacto continuo” coa dirección federal do PSOE, as votacións terían lugar o domingo 18 de novembro, mentres que a segunda volta -no caso de que ningún dos aspirantes reciba máis da metade dos votos- sería sete días máis tarde, o día 25.
A coincidencia de ambas citas, explicou Gonzalo Caballero, ten por obxecto despexar os procesos orgánicos nun escenario electoral impredicible, a fin de evitar que as primarias autonómicas se solapen con outras citas. “A min gústanme as primarias, e quero que falen os militantes de base”, asegurou.
Do mesmo xeito, o líder dos socialistas galegos considerou que, un ano despois de acometer a renovación do partido, é o momento de ter “un referente claro” que poida traballar co escenario de propiciar o cambio de ciclo en Galicia. “O partido está preparado para dar o relevo a Feijóo”, sostivo Gonzalo Caballero, quen constatou o “esgotamento” da etapa de Feijóo no propio Debate do Estado da Autonomía.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…