Santiago, 21 de outubro do 2020. O PSdeG destacou hoxe o avance nas obras do AVE a Galicia, logo do anuncio de Renfe da apertura de 110 novos quilómetros na liña de alta velocidade ferroviaria que comunica a nosa comunidade con Madrid e que suporán unha redución nos tempos de viaxe de ata unha hora e 26 minutos.
Trátase dun “avance moi importante” que pon de relevo o “compromiso” do goberno de España coa chegada do AVE a Galicia e que supón “importantes melloras” para os e as usuarias do tren.
De feito, o PSdeG puxo en valor que “se reduce o tempo de viaxe con todas as capitais de provincia galegas” e con Santiago de Compostela.
No caso de Pontevedra, o tempo de aforro da conexión con Madrid é dunha hora e 26 minutos; mentres que para chegar a Lugo recórtase unha hora e dous minutos, por 41 minutos ata Santiago, 39 ata Ourense, 31 ata Vigo e 24 minutos ata A Coruña.
Ademais, o PSdeG resaltou o incremento no número de trens, pasando dos seis servizos ferroviarios que diariamente cubrían a ruta de Galicia a Madrid a oito (catro por sentido) a partir do vindeiro día 27.
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…
O portavoz do Grupo Socialista empraza a Rueda a clarificar na próxima sesión de control “se segue a doutrina Ayuso…
O secretario xeral dos socialistas de Galicia, José Ramón Gómez Besteiro, esixiulle hoxe á dereita “que se comprometa de xeito…
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…