O europarlamentario Nicolás González Casares critica o veto de PP e Vox á investigación na Eurocámara pola falta de transparencia e o acoso aos traballadoras e traballadores do medio público
A Delegación Socialista no Parlamento Europeo comprometeuse a seguir loitando para que as demandas dos traballadores/as da CRTVG poidan volver a presentarse no Parlamento Europeo
O eurodeputado galego do PSdeG Nicolás González Casares trasladoulle hoxe aos representantes dos traballadores da CRTVG o seu apoio diante das denuncias de manipulación no ente. Así o dixo no debate dunha petición de investigación pola falla de transparencia e acoso á plantilla que tivo lugar na Comisión de Peticións da Eurocámara e que non prosperou polo voto en contra de PP e Vox.
González Casares mantivo un encontro cos representantes do Comité Intercentros da CRTVG na sede do Parlamento Europeo logo do debate, e se comprometeu a continuar trasladando á Eurocámara a petición de investigación por falla de transparencia e acoso á plantilla do medio.
O europarlamentario lamentou o veto de PP e Vox á petición de investigación debatida na Comisión de Peticións que se celebrou hoxe no Parlamento Europeo, logo de que o Comité Intercentros presentara a súa denuncia diante da Cámara. Lembraron os atropelos vividos polo persoal durante estes últimos anos e a manipulación dos informativos e da programación en favor dos intereses políticos do PP.
Nicolás González Casares puntualizou que os feitos denunciados “vulneran a lexislación europea e ademais atentan contra o dereito a información e contra a dignidade dos profesionais do medio público galego”. Lembrou que mesmo na recente campaña electoral “ata a Xunta Electoral de Galicia afirmou que se lle restaba tempo ao debate político na campaña electoral favorecendo os intereses do PP”.
Tamén apelou a que “a manipulación da tele galega é ben coñecida desde a época de Feijóo e agora tamén con Rueda”, e reclamou que “dunha vez por todas sexa escoitada a voz dos profesionais que se rebelan contra a manipulación dos medios”.
A denuncia non prosperou pola maioría ponderada empregada “de xeito interesado”, dixo, pola unión dos votos dos representantes de PP e Vox, demostrando unha vez máis o uso interesado e pouco democrático da Comisión. Criticou que o presidente da Comisión, do PP, impedira a participación de tódolos deputados presentes na sala favorables á petición facendo caso omiso da norma que habilita o voto sen ponderación.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…