A Comisión de Turismo do Parlamento aprobou hoxe unha proposición non de Lei presentada polo Grupo Socialista para pedirlle á Xunta que apoie a declaración do Entroido de Viana como Festa de Interese Turístico Nacional. A iniciativa foi presentada pola deputada socialista Noela Blanco, que lle pediu o apoio da Xunta para impulsar os trámites legais para proceder á dita declaración.
A deputada socialista sinalou que o entroido de Xinzo da Limia acaba de conseguir a distinción como festa de interese turístico internacional e Verín é de interese turístico nacional, mentres que o de Viana do Bolo segue agardando os trámites necesarios que recoñezan o valor da súa festividade máis importante. Nesta liña Blanco lembrou que o entroido desta localidade “cumpre con todos os requisitos para recibir dita distinción que fomentaría o impulso económico da rexión”.
Blanco lembrou que o Pleno do Concello de Viana do Bolo xa no ano 2014 a proposta do Grupo Socialista solicitara o inicio dos trámites para declarar o entroido de Viana do Bolo de “interese turístico nacional”. Naquela ocasión a Xunta afirmara que “non consta que tivera entrada en Turismo de Galicia solicitude de declaración de festa de interese turístico nacional do Entroido de Viana do Bolo”.
A responsable socialista sinalou que o entroido desta localidade cumpre con todos os requisitos para acadar o título de festa de interese turístico nacional. Estes contemplan a historicidade da festividade, a súa continuidade no tempo, o arraigamento da mesma na localidade e a orixinalidade e diversidade dos actos que se realicen. Blanco asegura que o entroido de Viana do Bolo cumpre de sobra con todos estes requisitos.
Publicidade sexista
A responsable socialista denunciou a campaña publicitaria de determinados pubs ourensáns que “están a empregar elementos sexistas nos seus carteis” para anunciar o inicio do entroido de Verín. Esta publicidade emprega a recente polémica co paridoiro de Verín como reclamo publicitario do entroido o que está a provocar malestar entre os veciños e determinados colectivos.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…