“Moi poucas luces debe de haber no Goberno galego” para decidir presentar o proxecto de iluminación da Ponte de Rande sobre o que carecen de competencias. Así resumiu a viceportavoz do Grupo Socialista Patricia Vilán o “escandaloso” proceder do goberno galego, cegado na “escalada de deslealdade” de Feijóo contra o goberno central que lles levou a dar este novo “chanzo” no enfrontamento con Madrid.
Vilán afeoulle ao vicepresidente da Xunta, Alfonso Rueda, á conselleira de Infraestruturras, Ethel Vázquez, e á delegada da Xunta en Vigo, Corina Porro, que decidiran plantarse o pasado luns en Vigo e anunciar 4 proxectos de 3 empresas no concurso para a iluminación da ponte cando é competencia exclusiva do goberno central. Amosou a súa sorpresa por que se “atreveran a anunciar que a Xunta colaborará economicamente no proxecto”.
A responsable socialista explicou que a Xunta “nin ten competencia sobre a AP-9, nin sobre a ponte de Rande nin debera ter conexión algunha con Audasa”, a empresa concesionaria da autoestrada. Amosou así a súa “preocupación” pola vía empregada polo goberno galego para “obter unha información e dar a primicia” dun proxecto competencia do Ministerio de Fomento e un trámite que se atopa “nas mans de Audasa”.
Lamentou que o goberno galego demostre “cada vez menos lealdade co goberno de España” nunha estratexia claramente orientada á precampaña electoral e que, ironizou, “deben pensar que ir a Vigo a anunciar luces lles vai supoñer rédito electoral”.
O Grupo Socialista presentou unha serie de iniciativas parlamentarias para que a Xunta explique as competencias que considera que ostenta sobre a Ponte de Rande, así como os fondos que supostamente aportará o goberno galego ao proxecto, que expliquen a vía pola que obtiveron a información.
Tamén lles pide que “digan se van respectar que sexa Fomento quen determine a proposta máis conveniente dende o punto de vista técnico e medioambiental e busque ademais formas de financiamento”.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…