A portavoz de Lingua do Grupo Socialista, Noa Díaz, vén de presentar unha Proposición non de Lei no Parlamento na que lle reclama á Xunta que cumpra coa Carta Europea de Linguas Minoritarias con respecto do galego no ensino e “asegure no ámbito educativo as plenas competencias en lingua galega do alumnado”. Díaz denuncia unha “campaña de acoso do PP contra o galego baseada en falsidades” sobre a lingua.
A responsable socialista alerta de que o Consello de Europa “leva anos censurando, nos seus informes sobre o uso das linguas minoritarias, a perda de presenza do galego no ensino”. Esta deriva, explica o propio Consello, da “falla de respecto dos dereitos das persoas respecto da súa propia lingua a través da política lingüística da Xunta”.
Mesmo o comité de expertos para a Carta Europea ten considerado que os límites do decreto do plurilingüismo de 2010 están “claramente en contradición cos compromisos adquiridos polas autoridades españolas e galegas” de impulsar o galego no ensino.
Así o constata o Instituto Galego de Estatística, que reflicte “cifras cada vez menores de coñecemento e uso do noso idioma en rapaces e rapazas de 5 a 14 anos”, onde unha terceira parte non sabe escribilo e o 20 por cento non sabe falalo nin lelo.
Lei Educativa
Nesta mesma iniciativa, a responsable socialista reclama o apoio do Parlamento de Galicia á nova Lei educativa do Estado en materia de ensinanza das linguas cooficiais que, explica, “garante o dereito do alumnado a recibir ensinanzas nas súas linguas oficiais”. Esta Lei propón “un ensino que garanta as competencias nas linguas oficiais de cada territorio”.
Explica que a norma, en contra do intento de demonización por parte dos partidos conservadores, está “en sintonía co Plan xeral de normalización da lingua galega aprobado por unanimidade polo Parlamento galego en 2004 e coa Carta Europea das Linguas Rexionais ou Minoritarias”. Por iso, sinala que ao finalizar o ensino obrigatorio “todos os alumnos e alumnas deberán alcanzar o dominio pleno e equivalente na lingua castelá e, no seu caso, na lingua cooficial correspondente”.
Noa Díaz sinala que o texto da nova Lei sinala explicitamente que “as administracións educativas garantirán o dereito do alumnado a recibir nas linguas cooficiais nos seus respectivos territorios, de conformidade coa Constitución española, os estatutos de autonomía e a normativa aplicable”.
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…
Alerta de que o goberno galego deixa sen cubrir dúas das catro prazas, provocando esperas de quince días ou nenos…
Esíxelle á Xunta e Concello que “deixen de tirarse a pelota uns aos outros e resolvan un problema serio para…
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…