Paloma Castro solicita a prórroga do período de desfrute ata o 31 de maio para evitar “prexuízos” debido á concentración de solicitudes nas datas de Nadal
A portavoz de Xustiza do Grupo Socialista, Paloma Castro, vén de instar á Xunta a ampliar o prazo de desfrute de vacacións e asuntos propios dos traballadores e traballadoras da Administración de Xustiza para evitar a paralización de servizos durante o Nadal. Fíxoo a través da presentación dunha pregunta na Comisión de Xustiza do Parlamento.
Castro solicitou a prórroga do período de desfrute ata o 31 de maio de 2021 co obxectivo de evitar “prexuízos” debido á concentración de solicitudes de días libres por parte dos funcionarios e funcionarias durante as datas de Nadal.
“A acumulación de vacacións e permisos pode dar lugar a que a prestación de servizos en órganos e servizos xudiciais se vexa prexudicada”, aseverou. Así, a socialista incidiu en que este aspecto pode verse agravado “se todos os funcionarios collen vacacións ao mesmo tempo, xa que provocaría un maior atraso nas actuacións xudiciais, que xa están a sufrir unha gran conxestión dende o ano 2018”.
Por último, Castro recalcou que a Dirección Xeral de Xustiza “non pode ser allea á realidade que está a vivir a nosa comunidade”, xa que nesta segunda onda, as medidas de seguridade impostas pola covid “están a supoñer unha alteración do desenvolvemento no traballo habitual” da Administración de Xustiza.
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…
O portavoz do Grupo Socialista empraza a Rueda a clarificar na próxima sesión de control “se segue a doutrina Ayuso…
O secretario xeral dos socialistas de Galicia, José Ramón Gómez Besteiro, esixiulle hoxe á dereita “que se comprometa de xeito…
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…