O portavoz do Grupo Socialista, Xoaquín Fernández Leiceaga, responsabilizou hoxe ao presidente da Xunta polo “incumprimento premeditado, contumaz e desleal” da Lei da CRTVG aprobada hai 7 anos. Na sesión de control ao presidente da Xunta esixiu o freo á manipulación política do ente que provocou os 18 “venres negros” consecutivos por parte da plantilla.
O responsable socialista advertiu fronte á “preocupación, malestar e frustración” polo que denominou como “intervención dixital”, aludindo ironicamente ao proceso de transición dixital do ente. Lamentou que “o que sae e como sae –pola CRTVG- depende dos seus intereses partidarios e non do empeño en dar unha información obxectiva, contrastada e plural que mellore o noso diálogo público”.
Fernández Leiceaga esixiulle ao presidente da Xunta que cumpra coa Lei e nomee ao seu director xeral a partir dun acordo parlamentario, ademais de impulsar o Estatuto Profesional, o Consello de Informativos e o primeiro contrato – programa. Criticou que teñan sumido ao ente nunha situación “excepcional” co comité de Empresa asumindo as funcións contra a manipulación informativa competencia do Consello de Informativos.
O portavoz do Grupo Socialista enumerou os principais artigos que incumpriu o goberno galego, por canto vulneran as obrigas de produción propia -5-, sobre a dirección xeral -23-, o Consello Asesor -27-, os contratos programa -33-, ou o Estatuto Profesional e Consello de Informativos -36-.
Tamén incumpren o dereito de acceso supervisado pola autoridade audiovisual -39-, o control parlamentario sobre o contrato programa -48-, a autoridade audiovisual -49-, o prazo para a elección do director xeral –Disposición Transitoria 4ª-, ou o proxecto de Lei de Autoridade Audiovisual –Disposición Final 5ª-.
Persecución a xornalistas
Fernández Leiceaga sinalou que “a privatización avanza máis alá dos límites legais e ábrese expediente a xornalistas críticos”, logo do inicio dun expediente disciplinario por un “motivo ridículo” a Tati Moyano despois de que aludira á manipulación política do ente e aos venres negros nun acto público diante do presidente da Xunta.
Aludiu ao empeño do presidente da Xunta de desvincularse desta “represalia” e puntualizou que “como non fixo nada para que abriran o expediente, tampouco faga nada, pero que desapareza o expediente disciplinario aberto”.
Tamén replicoulle ao presidente da Xunta, quen aludiu á situación de CRTVE onde, explicou Leiceaga, “funciona un Consello de Informativos, a directora xeral de Informativos tivo un 85 por cento de respaldo nun referendo non vinculante entre os traballadores, e hai en marcha un concurso público para elixir ao seu director.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…