O secretario xeral insta a Feijóo e ao PP de Casado a “poñerse a carón do goberno de España” e traballar para garantir o emprego na factoría da Mariña
Santiago, 26 de setembro de 2020. O secretario xeral do PSdeG, Gonzalo Caballero, esixiu hoxe a Alcoa que formalice xa o acordo de venda da factoría de San Cibrao a Liberty e reclamou ao Estado que, no caso de que Alcoa se peche á entrada do inversor, contemple “todas as vías de intervención legalmente posibles dentro do marco europeo para que a planta non peche”.
“Hai inversor e hai un proxecto serio, e Alcoa non pode bloquealo e pechar a planta da Mariña”, remarcou o líder do PSdeG, quen fixo fincapé en que hai que “garantir a venda” da factoría de San Cibrao.
Neste senso, Gonzalo Caballero incidiu en que Alcoa é unha empresa estratéxica pola produción de aluminio e non pode “obstaculizar a posibles inversores para manter a súa primacía no mercado e restrinxir a competencia, porque esas prácticas non deben ter cabida na Unión Europea e menos nunha empresa que recibiu axudas públicas inmensas”.
“Alcoa non pode seguir vetando a inversión para furtar competencia, nunha estratexia empresarial que carece de toda responsabilidade social corporativa”, engadiu o máximo dirixente socialista a falta de dous días para que remate o prazo de negociación antes da entrada en vigor do ERE, e recordou que esta empresa recibiu “centos de millóns de euros en subvencións públicas” e “non pode agora vetar un proxecto empresarial viable”.
Así as cousas, Gonzalo Caballero requiriu ao Estado que contemple as vías de intervención legalmente posibles “para evitar o ERE ao que Alcoa nos quere conducir”, e esixiu a Feijóo e ao PP de Pablo Casado que se poñan “a carón do goberno de España fronte á estratexia de Alcoa”.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…