O líder dos socialistas galegos participa nos actos do Día da Clase Obreira Galega en Ferrol
O secretario xeral do PSdeG, Valentín González Formoso, reclamoulle hoxe á Xunta que “poña enriba da mesa un plan de choque” de medidas deseñadas para paliar o impacto económico da guerra de Ucraína en Galicia. Así o dixo logo de participar en Ferrol nos actos organizados con motivo da celebración do Día da Clase Obreira Galega.
O responsable socialista urxiu ao goberno galego a que tome medidas diante da “situación límite”, provocada pola suba dos prezos da enerxía derivados da invasión rusa a Ucraína, para sectores económicos fundamentais en Galicia como o gandeiro, pesqueiro ou do transporte.
Dixo que a situación “require que o gobernos central e tamén a Xunta de Galicia” tomen medidas e, en concreto no caso do goberno galego, reclamoulle “plans de apoio aos sectores económicos para reducir os custes enerxéticos e desenvolver os potenciais de Galicia”.
Chamou a “por unha vez sentarnos todas as forzas políticas nun curto prazo para poñer en marcha medidas” abrindo a fiestra do potencial enerxético e das materias primas de Galicia, reducindo a “dependencia do gas ruso e dos mercados internacionais”.
Día da Clase Obreira Galega
O responsable socialista participou en Ferrol, e en nome de tódolos socialistas galegos, nos actos de homenaxe ao movemento sindical obreiro que teñen lugar o 10 de marzo, Día da Clase Obreira Galega. Lembrou que este movemento está “personificado en Daniel e Amador, que no ano 72 deron a súa vida por unha serie de valores que temos a obriga de preservar porque nunca están suficientemente garantidos”.
Avogou por “regar a flor da democracia e da liberdade permanentemente”, hoxe coa conmemoración simbólica e a lembranza para “honrar a memoria de dous sindicalistas de CCOO que deron a súa vida” na defensa dos traballadores e traballadoras.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…