O líder dos socialistas galegos advirte de que Galicia ten o 17 por cento da superficie queimada en toda España
Insta ao goberno de Alfonso Rueda a desenvolver unha “política forestal e de ordenación do territorio ambiciosa” para rematar coa lacra dos incendios forestais
O secretario xeral do PSdeG, Valentín González Formoso, advertiu hoxe que “o lume é a consecuencia do abandono do rural” por parte do goberno galego. Así o dixo na visita hoxe á Festa do Emigrante do Concello de Pol, que este ano alcanza a súa 37 edición, xunto co alcalde, Lino Rodríguez, o presidente da Deputación de Lugo, José Tomé, o portavoz parlamentario, Luis Álvarez, e cargos públicos e orgánicos dos socialistas de Lugo.
O líder dos socialistas galegos emprazou a desenvolver “unha política forestal e unha política de ordenación territorial ambiciosas” que, subliñou, “é a base da revolución que este país necesita” e “para que os lumes sexan unha anécdota no futuro”. Urxiu a mudar a “fórmula” fracasada do goberno galego, responsable do “abandono do rural que conleva o resultado de lume en Galicia”.
Explicou neste sentido que “cando o goberno galego non ordena o rural, cando non ten a ambición de potenciar forestalmente o rural, o que está a facer é provocar o abandono das aldeas de Galicia, e a súa consecuencia é o lume”.
Afeoulle ao goberno galego que o 17 por cento das 200.000 hectáreas calcinadas este verán pertenzan a Galicia, onde arderon 40.000 hectáreas de monte logo de “40 anos que levan renunciado a unha política de ordenación forestal”.
Zona catastrófica
Valentín González Formoso salientou na parte positiva que o goberno central teña atendido á petición trasladada dende o PSdeG “dende o primeiro minuto” para declarar 20 zonas catastróficas en Galicia.
O Decreto aprobado polo goberno de España, dixo, “fai xustiza con este país”, e permite que “centos de familias, empresas, concellos e administracións afectadas polo lume poidan ter unha liña de axudas clara”.
O portavoz do Grupo Socialista empraza a Rueda a clarificar na próxima sesión de control “se segue a doutrina Ayuso…
O secretario xeral dos socialistas de Galicia, José Ramón Gómez Besteiro, esixiulle hoxe á dereita “que se comprometa de xeito…
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…