A parlamentaria socialista Begoña Rodríguez Rumbo denunciou hoxe a “absoluta opacidade” do Comisión Galega da Competencia. Así o dixo na comparecencia do máximo responsable do ente, hoxe en Comisión parlamentaria, por primeira vez dende a constitución do CGC, hai 5 anos, e ademais sen achegar previamente a Memoria Anual de Actividades nin o Informe Xeral de Actividades.
Rodríguez Rumbo denunciou esta “maneira pouco transparente de xestionar o público”, que demostra “desprezo” tanto pola función da Cámara autonómica como polo propio ente. Lembrou que o Decreto de constitución da Comisión determina unha comparecencia anual diante do Parlamento, que foi incumprida ata o día de hoxe.
Ademais, engadiu, “dificilmente poderemos achegar as nosas aportacións” ao plan de actividades se este non é entregado previamente aos grupos parlamentarios, co que supón de “entorpecemento da actividade parlamentaria”.
Advertiu de que a última Memoria de Actividades que é posible consultar na web do CGC corresponde ao ano 2016, ademais de que “é imposible atopar información da súa actividade, e non aparecen os plans anuais de actuación de ningún ano”. Por agochar, concluíu, mesmo ata agochan “os nomes das persoas que ostentan os distintos cargos”, xa que “non figuran nin a presidencia, nin a secretaría, a xerencia, e tampouco o propio Consello Reitor”.
Alerta de que o goberno galego deixa sen cubrir dúas das catro prazas, provocando esperas de quince días ou nenos…
Esíxelle á Xunta e Concello que “deixen de tirarse a pelota uns aos outros e resolvan un problema serio para…
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…
O portavoz do Grupo Socialista empraza a Rueda a clarificar na próxima sesión de control “se segue a doutrina Ayuso…
O secretario xeral dos socialistas de Galicia, José Ramón Gómez Besteiro, esixiulle hoxe á dereita “que se comprometa de xeito…
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…