A portavoz do Grupo Socialista na Comisión de Control da CRTVG, Noela Blanco, acusou hoxe ao ente público de exercer de “gabinete de comunicación de Feijóo” con respecto da sesión de investidura do presidente do goberno. Blanco presentou unha pregunta na Comisión sobre a “descarada manipulación informativa” na CRTVG.
A deputada socialista denunciou o tratamento da información “sesgado en prol da xestión do goberno de Feijóo mentres que o goberno central leva todas as críticas negativas”. A responsable socialista afirmou que “calquera que se conecte aos medios de comunicación públicos, pensaría que hai unha catástrofe en España”.
Apuntou así ao tratamento da información sobre as negociacións posteriores ás últimas eleccións xerais como na sesión de investidura, agochando as opinións da oposición galega e priorizando a postura do PP contra o goberno central. Censurou o tratamento informativo “noxento” por parte da CRTVG, que “ademais de dulcificar ao presidente galego, agora sitúan a Pedro Sánchez coma unha catástrofe”.
Blanco lembrou a situación dos traballadores e traballadoras da CRTVG que xa van polo venres negro 89, e que continúan “ na loita por uns medios de comunicación libres de manipulación informativa.
Lingua
Blanco presentou ademais unha pregunta na que acusou á CRTVG de “agochar o informe do Comité de Expertos da Carta Europea de linguas rexionais e minorizadas que confirma o retroceso da lingua galega”. Este foi “relegado” a noticia de segunda por parte da CRTVG mentres, sinalou, “destacaban en portada a participación do presidente da Xunta nunhas xornadas de información sanitaria”.
A deputada lembroulle ao responsable da CRTVG que un dos “principios inspiradores” que estipulados na Lei 9/2011, de 9 de novembro dos Medios Públicos de Comunicación Audiovisual de Galicia establece a promoción e difusión da cultura e lingua galegas, así como a defensa da identidade de Galicia.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…