Pablo Arangüena lamenta que o goberno galego “nin escoita nin atende as reclamacións do persoal forestal e as conclusións do grupo de expertos”
Santiago, 10 de agosto de 2020. O vicesecretario xeral do PSdeG, Pablo Arangüena, reclamou hoxe á Xunta que poña en marcha “unha nova política forestal” ante a constatación de que, outro verán máis, “Galicia arde” e de que “o cambio climático agravará cada vez máis o problema dos incendios”.
Fronte a este feito, o dirixente socialista criticou que o goberno galego “nin escoita nin atende” as reclamacións do persoal forestal, que pide aumentar as medidas de prevención ao longo de todo o ano, e as conclusións do grupo de expertos do Parlamento, que formula un reforzo do modelo de prevención e extinción.
“Os incendios non son culpa da Xunta, pero é a súa responsabilidade afrontar este grave problema e non o está facendo como debera”, incidiu Arangüena, quen lamentou que o lume chegara un ano máis á Reserva da Biosfera Gerês-Xurés e a perda dunha vida humana nas tarefas de extinción.
Por iso, o vicesecretario xeral do PSdeG subliñou que “o lume non se afronta limitándose a repetir cada ano a letanía de que os incendios forestais son intencionados”. “A Xunta -profundou- ten que deseñar unha nova política forestal, con máis medios, máis persoal e máis traballo de prevención”.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…