A parlamentaria socialista Patricia Vilán reclamoulle hoxe ao goberno galego un Plan de Investimentos en Centros Residenciais para Maiores e Dependentes que afronte e elimine as graves deficiencias da Residencia do Maior de Pontevedra. Vilán presentou unha pregunta oral en Comisión parlamentaria para esixirlle ao presidente da Xunta que cumpra co seu compromiso de facer unha nova Residencia pública na cidade.
Vilán lamentou que o goberno galego teña sinalado na Comisión de hoxe que “é inviable un sistema totalmente público” para as Residencias de Maiores de Galicia, como estaba a reclamarlle a portavoz socialista. A parlamentaria socialista esixíralle ao presidente da Xunta que cumpra co seu compromiso de “construír unha nova Residencia de Maiores pública na cidade con prazas públicas”.
Criticou ademais que a Consellería de Política Social teña agardado ata as eleccións municipais para remitirlle unha carta ao Concello para que poña a disposición da consellería terreos para facer unha nova Residencia. A parlamentaria pontevedresa lembrou que o compromiso data do ano 2017, cando o presidente da Xunta anunciou un novo centro residencial para maiores e dependentes en cada unha das grandes cidades de Galicia.
Vilán advertiu que o edificio situado no barrio de Campolongo, aberto no ano 1993, acumula unha escaseza de persoal “alarmante”, ademais de graves deficiencias nas instalacións. Sinalou que “requírense necesidades básicas e mínimas nos departamentos de Enfermaría, Cociña, Medicina, Fisioterapia, Psicoloxía e Terapia Ocupacional”. Reclamou por iso un Plan de Investimentos que “elimine as deficiencias nas instalacións e a escaseza de persoal”.
O Ministro do PP recibía con antelación información privilexiada de actuacións xudiciais contra os socialistas O secretario de organización do…
Salienta a importancia desta modalidade produtiva para o mantemento da paisaxe e da poboación rural, e que sustenta a súa…
Reclama un Plan de axudas estables que permita a pervivencia do sector, que sufriu unha redución da produción de máis…
O secretario xeral do PSdeG reivindicou o potencial da industria galega durante a súa visita a TMC Cancela, unha empresa…
Elena Espinosa critica a “devaluación as políticas de igualdade” ao dividilas en dúas direccións xerais e acusa ao PP de…
Alerta da falla de tarefas de prevención nos montes, que “se cargan de biomasa sen que a Xunta faga nada…