Noa Díaz denuncia a “falla de espazo” nun centro no que estudan 520 persoas, pero que foi “deseñado para acoller a 240”
A responsable de Cultura do Grupo Socialista, Noa Díaz, presentou unha proposición non de Lei, que foi rexeitada polo PP, para ampliar o Conservatorio Profesional de Música de Santiago. Díaz denunciou a “falla de espazo” nun centro no que estudan 520 persoas en 17 especialidades, pero que foi “deseñado para acoller a 240”.
A socialista recolleu as demandas de Concello de Santiago e anpa que solicitan “espazo para máis aulas, un auditorio máis amplo e unha sala de orquestra en condicións”, xa que as instalacións que teñen actualmente son “máis que insuficientes”. Neste senso, sinalou que, se o centro “xa se mostrara insuficiente ao pouco tempo de abrir”, a día de hoxe “non pode acoller máis alumnado, a pesar da crecente demanda”.
Díaz destacou que ás citadas circunstancias, súmase a problemática da pandemia, “que restrinxiu aínda máis a capacidade do centro, de xeito que os espazos que ata o de agora ocupaban os distintos departamentos didácticos, hoxe son aulas”.
A socialista lembrou que a parcela na que se asenta o conservatorio, cunha superficie de 5.000 metros cadrados, foi cedida para a súa construción polo Concello de Santiago e, entón, a Xunta “non consumiu a totalidade da edificabilidade que podería ter dito solar”. Así, sinalou que na execución do proxecto se investiron preto de dous millóns e medio de euros, dos que o Concello aportou o 34%, ademais da parcela.
Por último, engadiu que, á falla de espazo, “hai que sumar a reclamación por parte da Dirección do conservatorio de abrir varias especialidades máis”, como órgano e gaita, “sendo Compostela un enclave estratéxico para elas polo patrimonio histórico-musical que posúe e por ser unha cidade cunha enorme actividade vinculada á música tradicional galega”. Así, “unha cidade como Santiago, eminentemente cultural, debería ter un conservatorio profesional digno”, aseverou.
O portavoz do Grupo Socialista empraza a Rueda a clarificar na próxima sesión de control “se segue a doutrina Ayuso…
O secretario xeral dos socialistas de Galicia, José Ramón Gómez Besteiro, esixiulle hoxe á dereita “que se comprometa de xeito…
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…