Noa Díaz critica o estado “deficitario” no que se atopa a infraestrutura e a “inacción” do goberno galego que se comprometeu a habilitar un novo espazo para o centro, pero “de momento non existe partida orzamentaria concreta nin prazos de execución”
A deputada santiaguesa, Noa Díaz, vén de urxir á Xunta a reestablecer o servizo de Pediatría no Centro de Saúde de Conxo. Fíxoo, a través da presentación dunha batería de iniciativas no Parlamento galego.
“O servizo de Pediatría do centro de saúde de Conxo funcionaba diariamente ata que, hai un mes, pasou a ofrecerse só dous días á semana de maneira presencial”, alertou a socialista, quen sinalou que a veciñanza “está estes días a recibir a información de que existe a intención de suprimilo en próximas datas, trasladando dita atención ao Centro de Saúde Concepción Arenal”.
Nesta liña, Díaz criticou “o deterioro, cada día maior, en materia asistencial” que está a sufrir a sanidade en Galicia, “sendo cada vez máis os centros que adoecen de falla de persoal para dar a cobertura axeitada á poboación”.
Doutra banda, a responsable socialista urxiu á Xunta que execute o seu compromiso de habilitar un novo espazo para o Centro de Saúde de Conxo para o que “non existe unha partida orzamentaria concreta nin prazos de execución previstos”.
A responsable socialista sinalou que o novo centro de saúde é “unha reivindicación histórica da veciñanza” e “moi necesario, tendo en conta que Conxo é precisamente a zona cara a onde está experimentando máis expansión a cidade de Santiago, prevéndose un aumento da poboación nos vindeiros anos”.
“As instalacións actuais do centro atópanse nun estado moi deficitario e, por se iso fose pouco, a falla de protocolos covid axeitados obriga a que a veciñanza, moita dela envellecida, teña que agardar a ser atendida de pé, na rúa, soportando as inclemencias climatolóxicas”, aseverou a socialista.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…