A portavoz de Política Social do Grupo Socialista, Marina Ortega, apuntou hoxe á “incompatibilidade” de medidas contra o despoboamento como as casas – niño para concellos do rural co peche de escolas e servizos sanitarios por parte do goberno. Ortega interveu na comparecencia do director xeral de Familia, hoxe en Comisión parlamentaria, onde alertou da descoordinación das distintas consellerías na loita polo reto demográfico.
A responsable socialista sinalou que “de pouco vale” a apertura de casas – niño para atender a rapaces e rapazas de 0 a 3 anos no rural “se ao mesmo tempo se pechan escolas e desmantelan servizos como o de Pediatría no rural”. Sinalou así situacións como o peche do colexio de Baamonde, o peche da aula de primaria da escola rural de Verducido, que tivo que reabrir por sentenza xudicial, ou o desamparo dos rapaces do Centro de Menores Santo Anxo de Rábade.
Estes exemplos, dixo, configuran a “cara b” da xestión dun goberno dirixido por un presidente que “non semella marcar a loita polo rural como prioritaria”, e por unha conselleira de Política Social que ao tempo que ofrece fotografías con cativos mentres se nega a recibir ás traballadoras da Galiña Azul.
Reclamou así que o goberno galego garanta os servizos básicos para os pequenos concellos de menos de 5.000 habitantes, xa que, sinalou, o plantexamento do goberno galego implica que “de non cubrirse un mínimo de nenos e nenas, o servizo terminará por desaparecer”. De aí, dixo, a importancia de garantir os servizos básicos de sanidade, xeriatría e ensino, que son os que finalmente “fan que as familias permanezan asentadas no territorio”.
Blindar o servizo
Ortega reclamoulle ao goberno galego que “blinde” este servizo, que supón un “bo concepto pero en bruto” e que require de “pulila para dotala de rigor”. Así, reclamou “optimizar as condicións para a prestación” do servizo, dotando ás traballadoras de maior estabilidade e optimizando o servizo con formación específica por parte da administración autonómica.
A voceira de Industria e Enerxía, Patricia Iglesias, sinálalle ao Goberno galego a necesidade de facer das renovables “unha prioridade…
O candidato do PSdeG ao Parlamento Europeo sinala que “demostramos que o noso obxectivo é facer Europa dende Galicia e…
Participa na manifestación na defensa da lingua celebrada en Compostela O candidato socialista ao Parlamento Europeo, Nicolás González Casares,…
O secretario xeral do PSdeG lembra que os socialistas adiantaron no Parlamento o 11 de abril un gran pacto polo…
Nicolás González Casares, Lorena Guerra e Elba Veleiro forman parte da candidatura de España nas eleccións europeas do próximo 9…
Denuncia a “escasa ou nula transparencia” por parte do goberno galego e alerta dun empeoramento no servizo O portavoz…