Lembra que o servizo chegou a contar con 10 profesionais, dos que só quedan 5, e un deles de baixa, facendo inviable prestar unha atención integral e de calidade
A parlamentaria socialista Marina Ortega vén de presentar unha batería de iniciativas no Parlamento de Galicia para reclamarlle ao Sergas que reforce os recursos humanos e materiais no servizo de Medicina Interna do Hospital Público de Valdeorras. Ortega alerta de que a situación do persoal fai “inviable aportar unha atención integral e de calidade”.
A situación deste servizo, explica, ofrece un exemplo meridiano dos efectos dos recortes do goberno galego na sanidade pública, sinaladamente para unha comarca territorialmente afastada do hospital de referencia, en Ourense. Lembra que Medicina Interna chegou a contar con 10 profesionais, dos que na actualidade tan só quedan 5, un deles de baixa, no servizo coa maior porcentaxe de ocupación do Hospital, superando o 70 por cento.
Ortega sinala que este é o motivo polo que a atención ordinaria se estea a resentir, xa que “non se pode atender axeitadamente ás consultas externas debido á incompatibilidade cando hai que atender ás urxencias, as plantas e informar aos familiares”. Ademais, resulta “difícil de xestionar dende o hospital provincial de referencia –CHUOU- que precisamente ten convocada unha folga parcial a partires de hoxe, debido entre outras cousas ao deterioro da Medicina Interna.
Coidados paliativos desatendidos
A responsable socialista alerta de que a falla de persoal “deriva en que sexa inviable atender coidados paliativos, exceptuando os casos urxentes, por non falar de que impide establecer un horario fixo para pasar ás plantas nin para informar aos familiares dos pacientes ingresados”.
Apunta á “falla de dilixencia e descoordinación derivada da xestión cos criterios de área única, que non ofrecen unha xestión integrada”, cun problema acentuado neste caso coa xubilación do xefe de Servizo de Medicina Interna de Valdeorras.
Reivindica axudas para garantir a supervivencia dun sector estratéxico para Galicia O portavoz de Pesca do Grupo Socialista, Julio…
Censura a devaluación da antiga Secretaría Xeral de Igualdade no novo goberno e alerta de que a reintegración do concelleiro…
Repróchalle ao presidente da Xunta que o PP se descolgara onte dun acordo parlamentario para pedir a continuidade das bonificacións…
Carmen Rodríguez Dacosta criticou que o PP, cando chegou ao Goberno no 2009, “eliminou todas as políticas de igualdade no…
Carlos López Font presenta no Parlamento como emenda o acordo de investidura coa proposta “sensata e coherente” para ir cara…
Paloma Castro denuncia a “utilización política” con Consello Xeral do Poder Xudicial por parte do PP e reclámalles que cumpran…