A portavoz de Política Social do Grupo Socialista, Marina Ortega, reclamoulle hoxe ao goberno galego explicacións sobre o contaxio masivo por coronavirus nas residencias de maiores de Galicia, ás que se ven sumar hoxe a residencia Vila do Conde, de Gondomar. A responsable socialista reclámalle ao goberno galego que actúe “de inmediato” para implantar un protocolo de evacuación de positivos e reforzo de recursos nos centros residenciais e nos equipos de inspección.
A responsable socialista lembrou que o goberno galego conta coa competencia exclusiva na xestión das residencias, e cualificou de “intolerables” estes “contaxios abruptos e masivos” en determinadas residencias que requiren da “actuación inmediata” do goberno galego “extremando os protocolos baseados na prevención e impoñendo cortalumes onde xurdan os positivos”.
Advertiu que os protocolos de protección dos maiores “están fallando”, logo dos 67 residentes e 15 empregados da residencia de Gondomar infectados coñecidos hoxe, co que suman 89 residentes e 16 empregados positivos, segundo os medios de comunicación. En total, as residencias galegas contan 457 usuarios e 203 traballadores positivos por coronavirus, con 5 empregados na residencia San Salvador de Guntín, un interno da DomusVi de Monforte e un maior no CRAPD I de Vigo.
Lembrou que na sesión plenaria desta semana o propio PP negouse a apoiar unha proposta socialista para pedirlle á Xunta un plan específico de evacuación que habilite o traslado de positivos a un centro intermedio para persoas que non precisen de hospitalización e frear así a cadea de contaxio. Tamén esixían “incrementar de forma urxente e significativa o número de inspeccións aos centros de atención residencial para maiores”.
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…
Alerta de que o goberno galego deixa sen cubrir dúas das catro prazas, provocando esperas de quince días ou nenos…