Censura as “promesas incumpridas” e unha “mala xestión” da Xunta en materia educativa
A deputada socialista pola provincia de Pontevedra, Leticia Gallego, mantivo hoxe unha xuntanza co alcalde de Baiona, Carlos Gómez, e coas ANPAS do CEIP Fontes-Baíña, CEIP Belesar, CEIP Sabarís e EEI O Areal, para presentar unha batería de iniciativas que o PSdeG levou ao Parlamento de Galicia en relación ás necesidades específicas dos centros educativos da vila.
“O Concello de Baiona e as ANPAS das súas escolas están fartos das promesas incumpridas da Xunta de Galicia”, reivindicou a responsable socialista, logo de instar ao goberno galego a acometer as reformas demandas polos centros educativos do municipio, que “reclaman máis investimentos e o arranxo dunhas infraestruturas” para paliar a situación de “deterioro estrutural provocada polo uso e inadecuación funcional dos centros ás esixencias educativas actuais e á normativa vixente”.
Concretamente, Gallego reivindicou diversas reparacións no colexio Fontes-Baíña como o cambio do portalón de acceso ao colexio, a instalación dunha potabilizadora para o centro, a mellora da luminaria ou o peche dunha das fachadas do pavillón escolar.
Doutra banda, a deputada socialista esixiu tamén unha mellora das instalacións do colexio Belesar, onde a ANPA demanda a adecuación dos vestiarios e dos servizos de infantil, a substitución do valado do recinto escolar, así como un patio “decente e en condicións”, xa que “o actual é de terra, polo que non dispoñen dun chan adecuado para que as nenas e nenos poidan xogar”.
En canto ao colexio Sabarís, a voceira socialista reclamou “o arranxo urxente” da cuberta, así como o peche das fachadas do pavillón, “xa que filtra auga”, o que “supón un enorme prexuízo para o alumnado”.
No caso da escola infantil O Areal, a deputada socialista denunciou que “está pendente dun investimento de 250.000 euros por parte da Xunta dende hai anos” para acometer a ampliación e a mellora das súas instalacións.
“Estes centros son un claro exemplo da mala xestión do goberno galego en materia educativa, xa que se trata de pequenas actuacións ás que se podería dar resposta con pequenas inversións que terían cabida dentro da partida de 2,5 millóns de euros” que o goberno galego orzamentou para a Consellaría de Educación, concluíu.
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…
O portavoz do Grupo Socialista empraza a Rueda a clarificar na próxima sesión de control “se segue a doutrina Ayuso…
O secretario xeral dos socialistas de Galicia, José Ramón Gómez Besteiro, esixiulle hoxe á dereita “que se comprometa de xeito…
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…