O portavoz de Agricultura do Grupo Socialista, José Manuel Pérez Seco, alertou hoxe da “incerteza considerable” sobre a situación dos concellos afectados pola praga da couza da pataca. O responsable socialista presentou unha pregunta en Comisión para reclamarlle á Xunta un balance das actuacións levadas a cabo nos concellos afectados.
Pérez Seco sinalou que “é o momento de comezar coa compra da semente para plantala nos primeiros meses do ano que vén, e tanto almacéns como particulares seguen sen saber se será posible a súa plantación ou non”. Reclamoulle ao goberno galego “transparencia” e “instrucións concretas” sobre as actuacións levadas a cabo para a loita contra a polilla guatemalteca.
Lembra que xa teñen pasado dous anos dende a detección desta praga, en 2015, e o goberno galego tomou as primeiras medidas en febreiro de 2017, co que o que comezara afectando a uns poucos concellos esténdese agora a lo menos a 32. Apunta que as medidas do goberno galego comezaron en maio deste ano coa recollida da pataca afectada tan só en 4 concellos.
Tan só 20 días máis tarde, cando a pataca aínda estaba a ser recollida, a conselleira do Medio Rural deu por controlada a praga nos concellos infestados de A Coruña, malia o que un mes despois reuniuse a Comisión de Seguimento desta praga, sen que transcendera ningunha conclusión.
A consecuencia deste balance exitoso do goberno galego, dixo, foi que a Consellería lles remitira aos concellos infestados unha circular declarando 32 concellos infestados, sinalando aqueles considerados “tampón” para evitar a propagación e lembra a prohibición do cultivo nos concellos afectados durante un mínimo de 2 anos.
Os socialistas queren saber cal é a situación actual da praga, e reclámanlle á Xunta que faga público o número de tampas colocadas e as capturas rexistradas nas zonas afectadas, especificadas por concellos e provincias.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…