A portavoz de Política Social do Grupo Socialista, Noela Blanco, cualificou hoxe de “inaceptable” que o goberno galego estea retrasando en máis de seis meses a concesión das axudas establecidas na Tarxeta Benvida para as familias con fillas fillos nacidos no ano 2018.
A responsable socialista advirte que esta situación, que reflicten hoxe os medios de comunicación, “está xerando desconcerto e preocupación nas familias”, dado que de acordo coa orde que regula as axudas, logo de catro meses sen resolución expresa, “as solicitudes teranse por desestimadas”.
Blanco lembra a urxencia destas axudas, importantes para persoas con recursos axustados, que nos primeiros meses logo do nacemento teñen que afrontar unha situación esixente polos numerosos gastos que conleva o nacemento dun pequeno ou pequena. Considera “inadmisible” que o goberno galego poida tardar seis meses en conceder unha axuda establecida para os primeiros doce meses de vida do neno ou nena.
A responsable socialista presentou unha batería de iniciativas parlamentarias nas que lle reclama ao goberno galego que axilice ao máximo a concesión da Tarxeta Benvida “a aquelas persoas que así o soliciten e teñan dereito a percibila”. Ademais, reclama modificar a orde que regula as axudas “para que o prazo para dispoñer desta axuda non sexa en ningún caso superior a un mes dende o rexistro da solicitude”.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…