O secretario xeral compromete unha axenda de traballo “pegada ás necesidades” de Galicia “para construír unha maioría social de progreso”
Santiago, 5 de xuño de 2018. O secretario xeral do PSdeG, Gonzalo Caballero, urxiu este martes a Feijóo que explique aos galegos “onde vai poñer as súas prioridades” agora que Mariano Rajoy ten anunciado que non continuará á fronte do PP.
“Feijóo ten que dicir se vai estar atendendo as necesidades de Galicia e as súas responsabilidades como presidente da Xunta, ou se vai meterse nunha carreira de promoción persoal dentro do PP”, recalcou o líder dos socialistas galegos.
Pola súa banda, Gonzalo Caballero deixou claro que manterá unha axenda de traballo “pegada ás necesidades” dos galegos “para construír unha maioría social de progreso” que permita “un cambio de ciclo tamén en Galicia”. “Os socialistas galegos seguiremos a pé de país”, garantiu.
En canto á decisión de Mariano Rajoy, o secretario xeral do PSdeG puxo en valor que a moción de censura impulsada polo PSOE permitiu “abrir un novo tempo político en España”, se ben optou por manifestar o seu “respecto” ao proceso interno que agora levará a cabo o PP.
Eso si, expresou o seu desexo de que os populares asuman os principios de “renovación e rexeneración” para traballar politicamente con “compromiso” fronte á corrupción. Polo de agora, recordou Gonzalo Caballero, nin Rajoy nin Feijóo fixeron “autocrítica” nin “asumiron responsabilidades” trala sentencia da trama Gürtel.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…