Gonzalo Caballero insta a valorar os efectos concretos do Brexit para a flota galega e a acelerar o fondo europeo de compensación para axudar aos afectados
A Xunta négase a presentar a avaliación no I Plan de Actuacións para a Igualdade nos centros educativos de Galicia
29/12/2020
Dez anos de desatención sanitaria en Pontevedra logo da “fraude” de Feijóo co proxecto do Hospital de Montecarrasco
30/12/2020
O secretario xeral destaca que “non se cumpriron os presaxios máis pesimistas” pero chama a paliar os prexuízos que se deriven
O líder do PSdeG contactou coa portavoz socialista europea, Iratxe García, quen reclamou onte a Von der Leyen “celeridade” no uso do fondo de continxencia polo Brexit
Santiago, 29 de decembro de 2020. O secretario xeral do PSdeG, Gonzalo Caballero, reclamou hoxe unha análise dos efectos concretos da saída do Reino Unido da Unión Europa para a flota galega, ao tempo que urxiu a que se acelere o fondo europeo de compensación constituído como Fondo de Reserva de Axuste do Brexit.
Trátase, como explicou o líder socialista, de poñer en marcha mecanismos que axuden aos pescadores galegos que resulten afectados polas condicións pactadas para o Brexit.
Ao respecto, Gonzalo Caballero subliñou que “existe un consenso sobre que non se cumpriron os presaxios máis pesimistas” en torno aos posibles efectos do Brexit para a pesca, pero recalcou que cómpre paliar os prexuízos que se podan producir para a flota galega.
“Evidentemente, o Brexit implica cambios para as partes pero evitamos o escenario de non acadar acordo”, indicou o máximo dirixente do PSdeG, quen sinalou que tamén a flota británica tivo que ceder.
De feito, Gonzalo Caballero apuntou que as capturas que sofren unha maior caída non son as especies principais para a flota galega e que, por exemplo, no caso da merluza norte a cota española practicamente mantense cunha caída dun 1% co horizonte de 2026.
CONTACTOS EN EUROPA
Gonzalo Caballero está en contacto co grupo parlamentario socialista europeo, e especificamente co eurodeputado Nicolás González Casares e coa portavoz socialista europea Iratxe García, quen reclamou onte a Von der Leyen “celeridade” no uso do fondo de continxencia polo Brexit.
O PSdeG insta a todas as administracións públicas europea, española e galega a traballar coordinadamente en defensa dos intereses da flota galega e de facelo con rigor e seriedade, nunha liña de acción construtiva que busque melloras lonxe de declaracións demagóxicas sen base real.
“Algunhas declaracións feitas a medios carecen de rigor e consistencia, e a nosa prioridade é defender ao sector con seriedade e realismo e un firme compromiso. Esta é a forma tamén de defender ao sector pesqueiro galego”, concluíu o líder do PSdeG.
