O secretario xeral sinala un erro grave da Xunta e urxe explicar “que fallou” e poñer “todas as medidas necesarias para garantir a saúde dos nosos maiores”
Santiago, 14 de abril de 2020. O secretario xeral do PSdeG, Gonzalo Caballero, esixiu hoxe a Feijóo que compareza no Parlamento para explicar que pasa nas residencias de maiores e o contaxio de coronavirus que se ten producido na residencia habilitada en Nigrán para illar a persoas maiores que estaban sas.
“Estamos terriblemente preocupados”, sinalou o líder dos socialistas galegos, porque despois de “máis de mil persoas maiores contaxiadas en residencias” e dos distintos casos de “contaxios masivos” en varios centros, agora os positivos aparecen ata en centros dispostos para os maiores sans.
Neste contexto, Gonzalo Caballero recalcou que “Feijóo ten que comparecer” e “explicar de forma detallada que está facendo a Xunta” e “que fallou”, así como poñer en marcha “as medidas necesarias para garantir a saúde dos nosos maiores”.
“Non pode ser que haxa un contaxio nun centro creado para salvar dos contaxios ás persoas maiores que están sas”, enfatizou o máximo dirixente do PSdeG, quen subliñou a que houbo erros nas decisións tomadas pola Xunta neste eido e hai que aclaralos.
Ao respecto, Gonzalo Caballero reprobou que Feijóo “non dubidou en poñer á delegada da Xunta a recibir aos maiores que ingresaban nesa residencia”, en Patos, pero agora ten que dar explicacións e aclarar que medidas vai tomar para “protexer a saúde dos maiores”.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…