O secretario xeral sinala que a “interinidade” do actual goberno da Xunta obrígalle a centrarse no inmediato e asumir unha vontade de acordo a medio prazo para a reconstrución
O líder do PSdeG chama a Feijóo a “estar á altura” e non tentar “facer vantaxismo” coa data das eleccións: “Que defenda Galicia por riba dos intereses do PP”
Santiago, 24 de abril de 2020. O secretario xeral do PSdeG, Gonzalo Caballero, compareceu hoxe para propoñer “un gran acordo” para construír o futuro de Galicia” trala crise da covid-19 en base ao consenso das distintas forzas políticas, as administracións locais e os axentes sociais.
Trátase, segundo as súas palabras, de dar “unha resposta colectiva” nos eidos sanitario, social e económico, co obxectivo de que “ninguén quede na cuneta” unha vez remita a pandemia en Galicia.
“A reconstrución vai levar meses, probablemente anos”, remarcou o líder dos socialistas galegos, e propuxo unha saída que implique “o fortalecemento dos servizos públicos” e “o redimensionamento do ámbito industrial e económico”.
Para iso fai falla, defendeu Gonzalo Caballero, que cando falemos do medio e longo prazo, haxa “un gran acordo” que implique aos grupos parlamentarios, aos axentes sociais -nomeadamente sindicatos e patronal-, ás sete cidades galegas, ás catro deputacións e á propia Fegamp en representación dos concellos pequenos e medianos.
“O PRIORITARIO”, A RECONSTRUCIÓN
“Os gobernos teñen que estar a disposición dos galegos e das galegas, e a reconstrución ten que estar por riba dos intereses de parte”, subliñou o máximo dirixente do PSdeG, consciente de que “o prioritario” é colaborar entre todos para afrontar esta crise.
Sobre todo, como afondou Gonzalo Caballero, nun momento no que a Xunta ten as súas capacidades restrinxidas a causa da interinidade derivada do aprazamento electoral. “Necesitamos un acordo que vaia más alá”, incidiu, e avogou por “fortalecer” o público a través dunha política económica e industrial “activa” e dunha aposta forte polos servizos públicos.
“Hai que acender as luces do país a medio e longo prazo, pensando en Galicia”, remarcou o secretario xeral do PSdeG, consciente de que “só a acción do público permite unha resposta colectiva” para frear a desigualdade que deixa a pandemia.
Ao fío disto, Gonzalo Caballero sinalou que Feijóo “non pode ter medo a acudir ao Parlamento”, e xulgou “insuficiente” a única vez que Feijóo compareceu na Cámara. No mesmo tempo, recordou, o presidente do goberno estivo en cinco ocasións” no Congreso. “Feijóo ten a nosa lealdade para tomar todas as medidas necesarias no inmediato e para combater a pandemia, pero non lle demos un cheque en branco”.
Así é que o líder dos socialistas galegos requiriu á Xunta medidas para frear o virus e protexer aos nosos maiores que viven en residencias, e urxiu tamén a que se reforce o persoal deses centros. Non en van, como apuntou, onte se coñeceu un novo repunte de falecementos nas residencias que cómpre atallar.
ADIANTO ELECTORAL
Finalmente, a preguntas dos xornalistas, Gonzalo Caballero chamou a Feijóo a actuar con “responsabilidade” e a “estar á altura das circunstancias” no que atinxe á nova convocatoria de eleccións en Galicia.
“Que non teña a tentación de buscar un vantaxismo electoral”, engadiu o dirixente socialista, e reclamou a Feijóo “que defenda Galicia por riba dos intereses do PP”.
“Nós fomos totalmente leais: abandonamos a prioridade electoral e puxémonos a cooperar fronte á crise”, agregou Gonzalo Caballero, para quen “o prioritario nestes momentos” é vencer á covid.
“Cando pase o estado de alarma, haberá que dialogar e buscar a data máis axeitada para as eleccións”, finalizou o secretario xeral do PSdeG.
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…
Alerta de que o goberno galego deixa sen cubrir dúas das catro prazas, provocando esperas de quince días ou nenos…
Esíxelle á Xunta e Concello que “deixen de tirarse a pelota uns aos outros e resolvan un problema serio para…
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…