A portavoz de Universidade do Grupo Socialista, Concepción Burgo, denunciou hoxe o “desleixo de funcións” do presidente da Xunta, que leva ano e medio sen nomear ao novo presidente do Consello Social da Universidade de Santiago de Compostela. A parlamentario socialista presentou unha pregunta oral no Pleno do Parlamento para sinalar a “desidia” do presidente da Xunta e da conselleira de Universidade.
Burgo lembrou que o nomeamento deste cargo “depende de vostedes, non do Consello Social nin do reitor da Universidade”, de acordo cos artigos 77 e 83 da Lei 6/13 do Sistema Universitario de Galicia. O presidente da Xunta leva, dixo, ano e medio “sen facer absolutamente nada para nomear” a este cargo, e incumprindo polo tanto coas súas obrigas legais e poñendo ao órgano nunha “situación inexplicable”.
A parlamentaria socialista advertiu que “non quero pensar que queiran facer calar ou non darlle voz a un órgano que pode criticar a súa política de financiamento ou de titulacións en torno ás universidades”.
Criticou que teñan bloqueado deste xeito a un órgano encargado de supervisar as actividades económicas da Universidade, así coma o rendemento dos seus servizos, ou promover a colaboración da sociedade no financiamento da USC. Engade que este baleiro supuxo ademais que tampouco poidan restablecer a vacante da secretaria do Consello, xa que se trata dunha designación que lle corresponden precisamente á Presidencia do Consello.
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…
Paloma Castro sinala que os escolares “merecen un entorno axeitado” e un espazo cuberto no que practicar deporte e que…