O portavoz do Grupo Socialista, Xoaquín Fernández Leiceaga, chamou hoxe ao “consenso” entre os grupos parlamentarios para acadar a titularidade pública do Pazo de Meirás. O responsable socialista anunciou unha emenda que “mellore o texto proposto polo PP” en solitario e ao que “esperemos que finalmente se poidan sumar tódolos grupos políticos”.
Instou aos grupos parlamentarios a unirse e “deixar a un lado xogos de partido” e “remar todos na mesma dirección e non distraernos do fundamental”. Sinalou que “non queremos determinar agora se hai que pagarlle á familia, o que é tarefa dos tribunais, e tampouco queremos determinar que faremos coas Torres cando as recuperemos” para “non entrar en ningún asunto menor que nos distraia do fundamental e nos divida”.
Fernández Leiceaga anunciou que “vamos defender con rotundidade que dende Galicia lle reclamemos á Administración Xeral do Estado que faga o esforzo de defender diante do xulgado correspondente, que parece ser o partido xudicial de Betanzos, o carácter público das Torres de Meirás”. Este sería, dixo, “un primeiro paso moi positivo para despois poder poñelas ao servizo da cidadanía”.
Así o dixo logo de coñecer os dous informes encargados pola Deputación de A Coruña e a Xunta de Galicia, coñecido hai escasos días e que resulta, dixo, “contundente e xuridicamente ben armado” e que apuntan a “dúas vías xudiciais complementarias” para acadar as Torres de Meirás para o patrimonio público.
Apostou por “dicirlle á avogacía do Estado que explore as vías e determine cal é a que hai que seguir, e a partir de aí ten que facer o seu traballo, e a Xunta e o Concello de Sada poden acompañar á Administración Xeral presentándose no proceso”.
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…
Alerta de que o goberno galego deixa sen cubrir dúas das catro prazas, provocando esperas de quince días ou nenos…