O secretario xeral do PSdeG, Gonzalo Caballero, visitou hoxe varios municipios da Mariña lucense en compañía da alcaldesa de Lourenzá, Rocío López; os alcaldes de Alfoz, O Valadouro e Burela, Jorge Val, Edmundo Maseda e Alfredo Llano; o candidato ao Senado por Lugo, César Mogo, e a deputada autonómica Patricia Otero, entre outros membros do partido na bisbarra.
Alí, o líder dos socialistas galegos puxo o foco na situación dos pequenos municipios, que sofren “desatención e abandono” por parte da Xunta, para esixir a Feijóo que “poña a cabeza” nos carencias do medio rural tanto en materia de infraestruturas coma de solo industrial e de servizos públicos.
Así o dixo Gonzalo Caballero antes de participar na concentración en defensa da sanidade pública en Burela, dende a convicción de que os pequenos concellos de Galicia son “unha cuestión de futuro”, e reclamou a Feijóo que dea “alternativas” que permitan “revitalizar” o medio rural.
Fronte a isto, o máximo dirixente do PSdeG recordou que os socialistas “temos un proxecto de goberno para a maioría”, como ten demostrado Pedro Sánchez, quen en nove meses “permitiu que os galegos e as galegas vexan a importancia de ter un goberno de esquerdas”.
É por iso que Gonzalo Caballero afeou as críticas de Feijóo: “Mentres o goberno socialista subiu as pensións, eliminou o copago farmacéutico, aumentou a protección dos autónomos, deu garantías aos desempregados de larga duración…, Feijóo vive na súa realidade e di que a Galicia vaille mal”.
“Cando ataca ao goberno socialista, Feijóo é un jetas que se esquece dos avances do goberno socialista para os pensionistas, para os desempregados e para os que cremos na educación e na sanidade públicas e só pensa no PP e nos intereses de Casado en pactar coa ultradereita”, concluíu o líder do PSdeG.
VISITA Á MARIÑA
O secretario xeral do PSdeG visitou hoxe varios concellos da Mariña, onde aproveitou para visitar a cooperativa da IXP Fabas de Lourenzá e a empresa de carrocerías Hermanos García Rega e para manter un encontro cos armadores de Burela.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…