O portavoz de Sanidade do Grupo Socialista, Julio Torrado, acusou hoxe á Xunta de “trampear aos pacientes para extraelos do sistema público”. O responsable socialista presentou unha pregunta en Comisión na que acusou ao Sergas de fufrtar información sobre as listas de espera no sistema público para “empurrar aos pacientes a escoller a concertada”.
Torrado explicou que o paciente recebe a oferta para “resolver xa” a súa situación renunciando ao centro de referencia e derivando á concertada voluntariamente pero sen coñecer a espera real na sanidade pública. Acusou ao Sergas de “condicionar” a resposta para incitar ás derivacións, e reclamou “información real e completa” sobre a espera para que o paciente poida escoller con tódolos datos sobre a mesa.
Sinalou neste sentido a “contradición palmaria” entre a intervención do director xeral de Asistencia Sanitaria, que hoxe negou derivacións a centros concertados baixo a Lei de Garantías, e o último Informe da Valedora do Pobo. A Alta Comisionada do Parlamento alertou das listas de espera e de que “a aplicación práctica da normativa sobre tempos de espera non alcanzou a súa plena eficacia” e das derivacións a centros concertados “polas demoras en esperas”.
Torrado citou textualmente o Informe, que alerta que o rexeitamento polo paciente da oferta alternativa supón de facto a “inaplicación da garantía de prazos máximos”. Sinala que “agás que se poida acreditar unha causa xustificada, o feito de que un paciente decida ser atendido no seu Hospital de referencia, non significa que deba agardar tempos excesivos e esaxerados”.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…