A portavoz de Política Social do Grupo Socialista, Noela Blanco, acusou hoxe ao goberno galego de poñer “paus nas rodas” das políticas de atención ás persoas maiores. Así o dixo no debate dunha pregunta oral no Pleno do Parlamento na que denunciou o desleixo do goberno galego á hora de cumprir co mandato parlamentario de desenvolver unha Estratexia de prevención e atención á soidade non desexada.
A responsable socialista advertiu que a xestión do goberno galego situou a Galicia “á cola en gasto público por dependente, con apenas 5.779 euros cando ata nove comunidades autónomas superan os 6.000 euros por dependente”. Ademais, en 11 anos o goberno galego abriu “cero novas prazas de atención residencial para persoas maiores xestionadas de forma directa pola Xunta”, nunha autonomía cunha taxa de prazas por maiores de 65 moi inferior á media estatal.
Blanco presentou ademais o informe de directores e xerentes de servizos sociais que apunta que Galicia ten hoxe un déficit de 14.858 prazas residenciais para acadar unha ratio do 5 por cento, mentres só 4 de cada 10 prazas teñen financiamento público.
A parlamentaria socialista acusou ao goberno galego de facer caso omiso da obriga parlamentaria de desenvolve unha Estratexia de prevención e atención á soidade non desexada en colaboración coa Fegamp e o terceiro sector. Así o sinalaba unha moción aprobada pola Cámara autonómica o pasado 25 de xuño, e que o goberno galego deixou “esquecida nun caixón”.
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…
Alerta de que o goberno galego deixa sen cubrir dúas das catro prazas, provocando esperas de quince días ou nenos…
Esíxelle á Xunta e Concello que “deixen de tirarse a pelota uns aos outros e resolvan un problema serio para…
O secretario xeral do PSdeG, José Ramón Gómez Besteiro, reivindicou hoxe en Lugo “os logros que teñen conseguido os socialistas,…