A portavoz socialista de medio ambiente, Patricia Vilán, instou á Xunta a deixar de empregar o glifosato como pesticida nas estradas galegas. Así o dixo na Comisión de Medio Ambiente celebrada hoxe no Parlamento, na que acusou á Xunta de empregar o este plaguicida canceríxeno, que será prohibido en 2022, nas estradas de titularidade autonómica do Baixo Miño.
Vilán advertiu da perigosidade que supón o glifosato para o medio humano e acuático xa que, segundo a OMS, “hai probas convincentes de que o glifosato pode causar cancro en animais e hai probas limitadas de carcinoxenecidade en humanos”. Dende a Sociedade Galega de Historia Natural, sinalou, vense manifestando a preocupación polas fumigacións indiscriminadas “que poden rematar contaminando os pozos e por tanto afectando á saúde humana”.
Acusou ao PP “de votar en contra de todas as propostas da oposición para acabar coa utilización do glifosato”. Sinalou que “aínda que dende a Xunta vense dicindo ultimamente que o glifosato é canceríxeno e que priorizan o emprego de medios mecánicos ou biolóxicos non contaminantes antes que os máis agresivos para o medio ambiente, séguese a utilizar o glifosato porque é o material máis barato”.
Puxo como exemplo a sentenza do Tribunal de Estados unidos contra a internacional “Monsanto”. Explicou como o Tribunal americano “ditou unha sentenza condenando á internacional a pagar unha cantidade millonaria aos demandantes pola relación causa-efecto entre o uso do glifosato e a provocación de cancro en persoas”. Instou á Xunta “a ir avanzando no emprego de outros produtos e a priorizar a saúde humana e o coidado do medio ambiente antes que os beneficios económicos”.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…