A portavoz de Infraestruturas do Grupo Socialista, Begoña Rodríguez Rumbo, reclamoulle hoxe á conselleira de Infraestruturas que poña en marcha a conexión da Vía Ártabra coa A-6 para integrar “unha verdadeira circunvalación libre de peaxe na comarca”. A responsable socialista presentou unha pregunta oral no Pleno do Parlamento na que sinalou que ao goberno galego “unicamente lle preocupa a conexión con Oleiros e a AP-9”.
A responsable socialista lembrou que o goberno galego tan só ten anunciado a licitación das obras para a prolongación da Vía Ártabra ata a AP-9, e polo tanto con Oleiros e o residencial de luxo que “agardamos que non sexa o que condiciona” a intervención. Advertiu que a Xunta esquece a conexión coa N – VI e a AP – 9, que figuraba no Plan Move e conectaría aos concellos da comarca, os polígonos do cinto metropolitano e as infraestruturas portuarias por unha vía libre de peaxe.
Advertiu que a conexión tal e como foi asinada polo goberno galego suporá o incremento do tráfico de entrada á Coruña a través de Alfonso Molina. Ademais, preguntoulle ao goberno galego se “ten feito os deberes e acordado unha modificación do contrato concesional con Audasa”, así como o convenio previo que deben asinar as 3 administracións implicadas, como ten sinalado o Ministerio de Fomento.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…