A portavoz de Medio Ambiente do Grupo Socialista, Patricia Vilán, reclamoulle hoxe á Xunta que “garanta o bo tratamento das augas residuais urbanas e un sistema axeitado de tratamento en todo o Concello de Ponteareas”. Vilán presentou unha proposición non de Lei en Comisión parlamentaria para esixir a posta en marcha do saneamento de Ribadetea en marzo de 2020, que foi rexeitada polo PP.
A responsable socialista alertou das “graves deficiencias” da rede de saneamento e depuración das augas residuais de Ponteareas, onde “moitas das súas parroquias non teñen rede de saneamento”. Este é o caso, dixo, de Ribadetea, onde moitos dos 800 veciños e veciñas “verten a minidepuradoras que non funcionan correctamente, moitos a fosas sépticas e moitos a caño libre ao río Tea”.
Vilán critica que o PP desminta hoxe o prazo ofrecido polo mesmo goberno galego para poñer en marcha o saneamento integral en marzo de 2020. Lembrou que o Pleno do Concello aprobou en setembro de 2018 unha iniciativa para esixirlle á Xunta un proxecto de saneamento integral para a parroquia, que foi licitado en 2019, co compromiso de poñelo en marcha en marzo de 2020.
Fracaso no saneamento
A parlamentaria socialista sinalou o “fracaso” da xestión en saneamento de augas urbanas por parte do goberno galego, que logo de máis de 10 anos de presidencia de Feijóo “Galicia perde oportunidades de avanzar, sen posibilidade de recibir as subvencións da UE e coa imposición de sancións pola súa deficiente depuración”.
Lembra que a Comisión Europea xa ten imposto sancións a España e anunciado novas denuncias diante o Tribunal de Xustiza da UE porque “non existe garantía de bo tratamento das augas residuais urbanas en varias zonas de Galicia, onde “falta u sistema axeitado de tratamento e porque existe risco para a saúde pública”.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…