O portavoz de Educación do Grupo Socialista, Luis Álvarez, criticou hoxe que a Xunta estea a utilizar o programa de prevención do abandono escolar como “partida comodín” para desviar fondos “segundo vaia facendo falta”. Así o dixo no debate dunha interpelación na que puxo en cuestión que en 2017 deixaran sen executar 6,2 millóns de euros desta partida.
O responsable socialista puxo en cuestión que o goberno galego “prescindira de 6,5 millóns de euros porque segundo vostedes non hai necesidades” nun contexto de falla de profesorado e numerosos alumnos que requiren de atención específica “sen atender”.
Explicou que en 2017 orzamentaran orixinalmente 19,7 millóns de euros desta partida, dos que ao longo do ano detraeron 6,5 a través dunha modificación orzamentaria que diminuíu este programa nun terzo, unha redución “importante, notable e chamativa”. Máis chamativa se cabe, sinalou, cando para este ano 2018 case que duplican o seu orzamento para incrementalo ata os 24 millóns de euros.
Acusou ao goberno galego de ter este programa “sobreorzamentado para usalo como colchón” e así poder dispoñer de crédito para outras partidas deficitarias ao longo do exercicio orzamentario. Álvarez acusou ao goberno galego de demostrar, con estas decisións, que “priorizan a propaganda fronte á efectividade política”.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…