O goberno galego incumpre a obriga de mantemento do Pazo de Lourizán de acordo coa Lei de Patrimonio e o convenio de aproveitamento sobre o inmoble asinado coa Deputación en 1991 e ratificado en 2000. Así o constatou hoxe a deputada Patricia Vilán no debate dunha iniciativa socialista en Comisión na que lle reclamaba as ditas obras á Xunta e que foi vetada polo PP.
Vilán aludiu á propia Lei de Patrimonio e á cláusula 3.b do convenio que establece literalmente que “as obras de conservación da zona nobre do conxunto de Lourizán corresponden á Xunta de Galicia”. Denunciou que o PP e o goberno galego queiran “escaquearse” da súa obriga a 3 anos do remate dun convenio que ten durado 30 anos e que finalizará en 2021.
Durante esta etapa o goberno galego deixou ao albur dos elementos ao edificio histórico de aire romántico construído no século XIX cun estado “lamentable”, con varias zonas nas que non se pode garantir a súa seguridade estrutural, ten zonas invadidas pola maleza e a cara sur da cuberta estase a afundir.
Alertou de que “a estrutura nalgún momento vai caer, e non é responsabilidade da Deputación Provincial, é de quen ten a cesión do uso do parque”, lembrou, polo que é o goberno galego quen ten que asumir unha actuación estimada en 14 millóns de euros, de acordo co servizo de arquitectura da Deputación de Pontevedra.
Lembrou que o incumprimento na obriga do mantemento do inmoble está tipificado como unha infracción “moi grave” pola Lei de Patrimonio, e advertiu que “alguén que teña interese pode acudir aos tribunais por incumprila”.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…