A deputada socialista Concepción Burgo acusou hoxe ao goberno galego de agochar deliberadamente os datos do Rexistro Galego do Infarto por provincias que explican a urxencia de implantar o servizo de Hemodinámica 24 horas no Hospital Lucus Augusti. A parlamentaria luguesa presentou unha pregunta oral en Comisión na que reivindicou este servizo comprometido por Feijóo en 2011.
Burgo anunciou hoxe unha petición formal dende a Cámara lexislativa para que o goberno galego entregue estes datos, logo de que a Xunta tan só fixera público o primeiro informe, en marzo de 2016, e non os 3 posteriores. Aqueles datos, lembra, indicaban uns tempos de espera para anxioplastia de 3 horas, cndo os cardiólogos recomendan 90 minutos.
Considera “unha broma de mal gusto” que o goberno galego diga que non vai implantar hemodinámica 24 horas porque Galicia non chega ao 5 por cento de mortalidade por infarto, e preguntou “cantos mortos teñen que ter Lugo e Ourense para que reciban os mesmos servizos que o resto”.
Apuntou que “cremos que a diferenza é tan ampla como quedara de manifesto en 2016, cando os enfermos de Lugo tardaban 80 minutos máis en recibir tratamento que os de Santiago e A Coruña”.
Acusounos de “non ter intención de poñer o servizo no Hospital Lucus Augusti a pesares das recomendacións da Sociedade Española de Cardioloxía”, en base aos parámetros poboacionais e o número de infartos rexistrados e que se cumpren sobradamente na provincia.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…