O deputado socialista Juan Díaz Villoslada lamentou hoxe o veto do PP a unha proposición non de Lei dirixida a impulsar un Consorcio de Transporte Metropolitano para A Coruña. No debate na Comisión de Ordenación Territorial, acusou ao goberno galego de planificar o transporte de viaxeiros con “voluntarismo en función do calendario electoral e dos intereses das concesionarias”.
Lamentou a “falla de planificación urbanística” demostrada polo goberno galego no caso do transporte público de A Coruña logo de que a conselleira mesmo apuntara hai apenas semanas “pensar en fórmulas e instrumentos consorciais metropolitanos”. Sinalou que actualmente o transporte público por estrada tan só cubre o 10 por cen das demandas de transporte”.
Defendeu “instrumentos institucionais e políticos para facer viable as prestacións supramunicipais ao servizo dos cidadáns”. Lembrou neste sentido a resposta dada ao tratamento de residuos urbanos “apostando por servizos supramunicipais con Nostián, Emalcsa ou a Edar de Bens” e defendeu partir desa experiencia e do Consorcio das Mariñas “sentarse para planificar e xestionar entre todos”.
Os socialistas galegos defenderon constituír unha autoridade única de transporte metropolitano a través dun Consorcio presidido polo Concello encargado de “planificar, coordinar e xestionar o servizo de transporte de viaxeiros na cidade e no conxunto da área metropolitana.
Ademais, propuxo incorporar as demandas da Mesa de alcaldes da Área e solicitou integrar esta previsión no Plan de transporte público de Galicia, integrando das liñas de transporte dos concellos de Carballo, Cerceda, Laracha e Arteixo. A continuación, dixo, o obxectivo é integrar a Autoridade Única de Transporte Metropolitana na estrutura da futura área metropolitana de A Coruña.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…